जनकराज भुसाल ‘भुपराज पाठक स्मृति शिक्षक पुरस्कार’ बाट सम्मानित

माडीको शैक्षिक धरोहर, समर्पण र निरन्तरताको प्रतीक 🌿📚 दिवाकर स्मृति माध्यमिक विद्यालयका सहप्रधानाध्यापक जनकराज भुसाल ‘भुपराज पाठक स्मृति शिक्षक पुरस्कार’ बाट सम्मानित हुनु माडीका लागि गौरवको क्षण हो।
माडी नगरपालिका–५, राधापुर निवासी भुसाल सर २०३२ असोज १५ गते जन्मनुभएको हो। २०६६ सालदेखि निरन्तर १५ वर्षसम्म शिक्षण र प्रशासकीय नेतृत्व गर्दै उहाँले दिवाकर स्मृति विद्यालयलाई मजबुत आधार दिनुभएको छ। विद्यालयका आधार स्तम्भका रूपमा चिनिनुहुने उहाँको योगदान केवल कक्षाकोठामा सीमित छैन, संस्थागत विकास र अनुशासनमा पनि उत्तिकै उल्लेखनीय छ।
भुपराज पाठक स्मृति प्रतिष्ठान द्वारा प्रदान गरिएको उक्त सम्मान प्रतिष्ठानका अध्यक्ष विपिन पाठक को अध्यक्षता तथा चितवनका प्रमुख जिल्ला अधिकारी गणेश अर्याल को प्रमुख आतिथ्यमा प्रदान गरिएको हो।
स्व. भुपराज पाठक को प्रथम स्मृति दिवसको अवसरमा प्रदान गरिएको यो पुरस्कार केवल एक व्यक्तिको सम्मान मात्र होइन, समर्पित शिक्षकहरूको कदर गर्ने प्रेरणादायी सन्देश पनि हो।
जनकराज भुसाल सरलाई हार्दिक बधाई तथा आगामी दिनमा अझै सफल यात्राको शुभकामना!

विज्ञापन १

विज्ञापन २