बज्रगुरु कन्स्ट्रक्सन : काममा ढिलासुस्तीको पर्याय; माडीमा कालोपत्रे पुरा गर्ने छाँटकाँट देखिएन

माडी, चितवन — पूर्वी माडीको हुलाकी सडकमा प्राइम छरेको महिनौं बिताइसकेको र पटक पटक आफैले बोलेको समयसीमा गुजारेर कुख्याती कमाइरहेको बज्रगुरु कन्स्ट्रक्सले अझै काम सुचारु गर्ने छाँटकाँट देखाएको छैन ।शनिवार दिउँसो स्वदेश एफ.एम.को प्रश्नमा ठेकदार कम्पनीका प्रतिनिधि तुलसी घिमिरेले अस्फाल्ट राख्ने मजदुर समूह आइनपुगेकोले काम रोकिएको बताए । उनले कहिलेबाट सुचारु गर्ने ठेट जवाफ दिन सक्ने अवस्था नरहेको पनि बताए ।

विज्ञापन १

यसअघि बैशाख २० गतेभित्र सो सडक खण्डमा बि.बि.एम. सहित अस्फाल्टको काम पुरा गरिसक्ने उनको सार्वजनिक प्रतिवद्धता थियो । तर प्रतिवद्धता बमोजिम बैशाखमा काम पुरा हुन त के, सुरुवात समेत हुन सकेन ।

विज्ञापन २

करीब २.५ किलोमिटर लम्बाइको सो सडकमा चैत अन्तिम साता प्राइम छर्किइएको हो । सो समयदेखि नै हुलाकी सडकमा डाइभर्सन चलिरहेकाले सवारी चालक र स्थानीयबासीले सास्ती पाइरहेका छन् । अझै कहिलेसम्म यातायात प्रभावित रहने, अनिश्चित नै छ ।

देबेन्द्रपुरको सीमामा रहेको परुई खोलादेखि बगहीसम्म करीब ८.१५७ किलोमिटर लम्बाई तथा ७ मिटर चौडाईको सो दुईतर्फी कालोपत्रे सडक हुलाकी राजमार्ग निर्देशनालय योजना कार्यालय वीरगंजको ३५ करोड लागतमा निर्माण भइरहेको हो । ठेकदार घिमिरेले सडकमा राख्ने बेस निकाल्ने भन्दै घाँघर खोलामा ‘अस्थायी क्रसर’ चलाइआएका छन् । क्रसरबाट बालुवाको अवैध विक्री वितरण गर्नेगरेको उनीमाथि आरोप लाग्ने गरेको छ । यसैबित, सडक निर्माणमा खबरदारी गर्ने भन्दै आफूलाई ‘खबरदारी अभियान माडी’ बताउने एक समूहले समेत शनिवार ठेकदार घिमिरेलाई भेट गरी खबरदारी गरेको छ।

यो पनि पढ्नुहोस :

माडी महोत्सवमा पत्रकारमाथि दुर्व्यवहारको आरोप